8.2: Asttat go?

8.2: Asttat go?

Guokte dološ ustiba deaivvadeaba gávpogis.  dialogue

Asttat go – jietnafiilan

 

Asttat go?

– Na hei, Ovllá!
– Elle! Buore beaivvi.
– Ipmil atti! Na bures.
– Bures. Ille jur jáhkán don dat leat. In leat guhkes áigái du oaidnán.
– Mo dat manná?
– Bures dat manná. Naba dudnuin Ánddiin?
– Dohko hal manná. Lean okto báhcán mánáguovttuin, munnos han leat guokte nieiddaža.
– Nu go. Gos bat don dál barggat?
– Na mun barggan Sámi Radios. Lean čoahkkimis dáppe. Naba don?
– Mun barggan ges Sámedikkis. Lean maid dáppe leamaš čoahkkimis.
– Vuolggán ihttin fas ruoktot. Asttat go gáfestallat muinna?
– Mus lea dađi bahábut nu hoahppu dál, muhto sáhtte go eahkes deaivvadit?
– Dieđusge. Makkár hoteallas don orut?
– SAS hoteallas.
– Na galge go deaivvadit vaikke ba Grand báras?
– Gos dat lea? Lea go guhkkin dás?
– Ii leat. Fertet gal bussiin dohko mátkkoštit, váldde dás busse nr. 20. Lea go dus gárta?
– De lea. Gal mun de deaivvan.
– Ii leat gusto nu guhkki dohko. Boađán dohko birrasiid diibmu gávcci.
– Buorre. Oaidnaletne de. Šaddá somá duinna ságastallat!
– Nu fal. Ferten doapmalit dál. Oaidnaleapmái!
– Oaidnaleapmái!

  1. Ovttasbargga nuppiin studeanttain: Lohkki teavstta jitnosit.
  2. Teavsttas leat ollu partihkkalat ja advearbbat mat leat dábálaččat njálmmálaš gielas. Ohcci daid.
  3. Geavaheahkki ieža partihkkaliid ja advearbbaid maid leahppi gávdnan. Omd. Boađát go ihttin? Gal mun de boađán.

Hárjehala vearbbaid sojahit: Morfa

Boahtte siidui –>

 

This entry was posted in Uncategorized. Bookmark the permalink.