4.2: Mun váccán bargui – HU

4.2: Mun váccán bargui

Kirste

Mu namma lea Kirste. Mun ásan Romssa-gávpogis, muhto lean Skiervvás eret. Mun barggan Báhpajávrri skuvllas. Mu váhnemat, sihke áhčči ja eadni, leaba jápmán. Mun lean náitalan, ja mu isit bargá girdišiljus.

Munnos leat golbma máná, okta nieida ja guokte bártni. Nieida ii leat vel skuvllas, son lea dušše njealjejahkásaš. Son lea sámi mánáidgárddis, Guovssahasas. Nubbi bárdni lea gávccinuppelot jagi boaris ja son lea oahppi Gonagasdievá joatkkaskuvllas. Nubbi bárdni lea juo guoktelogi jagi boaris ja álgá dál universitehtii.

Mu isidis lea ođđa biila ja vuodjá bargui juohke iđida. Danne go mii ássat fylkkaviesu lahka, de lea sutnje álki vuodjit tunealla go manná girdišilljui.

Mun fas váccán bargui juohke beaivve. Diibmu golmmas vuolggán gávpái gávppašit ja de ruoktot. Ruovttus mun ráhkadan biepmu, vai lea gárvves mális go bearaš boahtá. Mu isit vuodjá vel mánáidgárdái viežžat mánáguoktá ovdalgo boahtá ruoktot.


Loga jitnosit. Oza pronomeniid ja substantiivvaid mat leat lokatiivvas ja illatiivvas. Vástit jearaldagaide

  1. Gosa don manat barggu dahje skuvlla maŋŋil? (töitten/koulun jälkeen)
  2. Mo don lávet mannat bargui dahje skuvlii?


Alla on kaksi erillaista bussikeskustelua. Harjoittele niitä parisi kanssa, kunnes osaatte ne ulkoa.

Busses I 

Busses I – jietnafiilan


Buore beaivvi!
Ipmil atti. Gosa don áiggut?
Mun áiggun gávpogii. Ollugo máksá?
Máksá 28 ruvnnu.
Dá lea 100 ruvnnu.
Ja 72 ruvnnu dutnje. Dá lea mátkelihppu.
Giitu. Man guhká busse ádjána gávpogii?
Sullii 10 minuhta.

Busses II

Busses II – jietnafiilan

 

Buore beaivvi!
Ipmil atti. Gosa don áiggut?
Mun áiggun girdišilljui. Ollugo máksá?
Máksá 28 ruvnnu.
Nu divrras?!! Ii sáhte leat riekta. Mun han láven máksit 15 ruvnnu.
Leatgo penšunista?
De lean.
Leago dus duođaštus?
Lea. Gea dá!
Dalle máksá 14 ruvnnu.
Dá lea 100 ruvnnu.
Ja 86 ruvnnu dutnje. Ja dá lea mátkelihppu.
Giitu. Man guhká busse ádjána girdišilljui?
Sullii 10 minuhta.
Mus leat guokte koaffara mielde. Sáhtátgo veahkehit mu?
De sáhtán. Sáhtátgo vuordit veaháš?
Dieđusge.

Boahtte siidui –>

This entry was posted in Suopma and tagged , . Bookmark the permalink.