Mearragáttis PG

 9.4: Mearragáttis

Mearragáttis – jietnafiilla

 

Odne lea sotnabeaivi ja mii buohkat háliidit vuolgit mearragáddái dolastallat. Lea čáppa dálki – áibbas goalki ja beaivváš báitá. Beaivvádagas lea oalle liekkas.

Mun álggán ráhkkanit. Go mu isit ja mu guokte bártni gárvodit, mun ráhkadan niestti. Mun dieđán ahte máná-guovttos liikoba stoahkat čázis ja soai sáhttiba njuoskat. Danne mun válddán mielde liigebiktasiid sudnuide. Mánát váldiba spánnja ja goaivvu mielde. Mun bijan vel áviissaid lávkii, ja mu isit váldá duolji.

Mii vuodjit biillain. Ii leat guhkes mátki – ádjána dušše diibmobeali. Fiervvás mii gávdnat buori saji dolastallat. Mun dagan dola ja mu isit ráhkada márfesákkiid mánáide. Munnos lea gáffegoiku, ja mun vieččan čázi jogas ja vuoššan gáfe. Gáfegievdni lea dieđusge mielde. Máná-guovttos juhkaba sávtta. Moai isidiin borre láibbi, ja máná-guovttos bassiba márffi dolas. Dasto mii buohkat borrat šuhkoládageavssaid mat mus leat lávkkas. 

Dasto máná-guovttos bálkuba geđggiid merrii, ja moai isidiin čohkohalle dollagáttis. Moai humadetne ja lohke áviissaid.  Lea buorre vuoiŋŋastit. Viđa áigge ii leat šat nu liekkas, muhto čoaska biegga. Mii bidjat buot biergasiid lávkii ja ráhkkanit vuolgit ruoktot.

Go mii boahtit ruoktot, de leat buohkat váiban. Min mielas lea leamaš hui fiinna beaivi.

  1. Mii beivviid lea odne?
  2. Makkár lea dálki iđđedis?
  3. Galle máná mus leat?
  4. Maid mánát váldet mielde?
  5. Gii váldá duolji mielde?
  6. Man guhká ádjána vuodjit mearragáddái?
  7. Maid mu isit ráhkada mánáide? 
  8. Maid mánát juhket? 
  9. Maid moai isidiin borre ja juhke?
  10. Galle áigge mii ráhkkanit vuolgit ruoktot?
  11. Makkár lea dálki dalle?

Dás leat eanet sánit: Dollagáttis.

Mannet olggos dolastallat sámegillii, dahje sáhttibehtet dahkaluddat luohkkálanjas. Geavat sániid ja dajaldagaid maid gávdnabehtet sátnelisttus.

Boahtte siidui –>

About Sara Stødle

dal lean..
This entry was posted in Porsánggu oahpaheaddji and tagged , . Bookmark the permalink.