oamastangeažus3

Son jávkkihii latnjasis

  • – Olbmothan gal oidnet. Ja muitalit maid, juo eai eadnásat, de munnje. 
  • Mun muitalan, manin eadnámet ii addán áhččásat árbbi.
  • Ari ii vástidan, jávkkihii baicce latnjasis ja hoigadii uvssa gitta. 
  • Mun lean dego in livčče, juos mun muitalivččen vaikkeba Liissá-oarbmeallásan.
  • Sii guvle ádjagii, rudje issorasat, cuigo duohkut deikke ja orro čállimin juoidá bápáriidáseaset.

Bajábeale cealkagat leat vižžojuvvon Kirste Paltto girjjiin “Suoláduvvan” ja “Ája”, ja dain lea oamastangeažus laktásan illatiivasubstantiivvaide. Oza sániid ja muital geasa oamastangeažus čujuha.

Oamastangeažus laktása substantiivvaide mat lea illatiivvas ná:

  • Oamastangeažus laktása illatiivahápmái mii ovttaidlogus lea: -s- (bárrast.subst.) ja -asa- (bárahisst.subst.). 
    • Vokála rievdá i-á ja u-o. Go rievdá u-o, de diftoŋga njuolgá: viessu – vissosis.
  • Illatiiva máŋggaidlogu gehčosat leat -idas- (bárrast.subst.) ja -iiddás-(bárahisst.subst.).

Lasit oamastangehčosa vuolábeale cealkagiid illatiivahámiide:

  1. Son manai iežas latnjii ja velledii seŋgii.
  2. Hillá guovttos Ariin muitaleigga eadnái.
  3. Ellá riŋgii oabbái.
  4. Sii čálle sániid iežaset girjjiide.
  5. Ánne bovde min buohkaid iežas vissui.
  6. Mun áiggun addit juovlaskeaŋkka iežan oambeliide ja vilbeliide.

Njálmmálaš bárrabargu. Nubbi jearrá, nubbi vástida. 

  1. Fuolkenamahusat: “Geasa áiggut addit juovlaskeaŋkkaid?” “Áiggun addit juovlaskeaŋkka eadnásan.” jnv.
  2. Fuolkenamahusat, muhto 2. persovnna oamasteapmi: “Geasa don muitalit?” “Muitalin eadnásat.” jnv.
  3. Báikkit: “Gosa don manat dál?” “Manan latnjasan.” jnv.

 Sáhtát lohkat eanet oamastangehčosiid birra grammatihkas.

This entry was posted in Uncategorized. Bookmark the permalink.