10.4: Mana olgeš guvlui
Biret Ánne fitná Máreha guossis
Márehis lea ásodat gávpogis, jur guovddáža bajábealde. Son vuordá Biret Ánne guossái ja lea gáhkken ja gáfe vuoššan. Telefovdna čuodjá ja Máret vástida:
– Hei, dá lea Máret.
– Na hei, Biret Ánne dás. Lean jođus diehko dál, muhto lean veahá eahpesihkar gokko du dállu lea.
– Gosbat don dál leat?
– Mun lean busse nr. 20 čuvvon gávpogii ja lean báhcán Storgatai. Čuoččun dál dás HM gávppi olggobealde.
– De galggat mannat fas seamma guvlui gos bohtet ja luoddageažis manat olgeš guvlui, rasttidat luotta johtolatčuovgga bokte ja joatkkát bajás dien luohká, meattá “Bånsull”-gávppi, “Steike godt”-láibbohat lea nuppi bealde luotta. Doalat fal beare olgeš bealde geainnu. Dieđátgo gokko oaivvildan?
– De dieđán.
– Dasto rasttidat dien Vestregata ja joatkkát bajás guvlui boahtte luoddaerrui. Das olgeš bealde lea Parkgata. Mu ásodat lea dien rukses viesus gurut bealde luotta. Gal don dál fal deaivvat.
– Amma jur dál goit deaivvan. Oaidnaletne de fargga!
– Na nu fal.
Ja fargga uksabiellu čuodjá. Máret rahpá uvssa ja aitto lea ge Biret Ánne. Máret sihtá Biret Ánne sisa orrunlatnjii boahtit. Beavddis leat guokte gohpu ja dallearkka, gáhkku ja gáffe. Máret njoarrá Biret Ánnii gáfe ja fállá vel gáhku. Soai gáfestallaba ja fargga sudnos vulget ge ságat.
- Sárggo kártta Máreha čilgehusaid mielde.
- Dutnje boahtá guossi. Čilge sutnje mo son gávdná du orrunsaji lagamus bussebissehagas (lähimmältä bussipysäkiltä).
- Loga čilgehusa nuppi studentii, gii sárgu kártta dan mielde.
Romssa gávpotkárta
View Romssa gávpot in a larger map
- Geahča Romssa kártta ja ságastala kártta birra mielstudeanttain.
- Ráhkat seammasullasaš kártta iežat ruovttubáikkis dahje čále teavsttaid báikkiide mat leat merkejuvvon Romssa kártii. Don sáhtát dán kártta (dahje eará google-kártta) vurket iežat google-guvlui, ja lasihit teavsttaid ja mearkkaid dasa. Don dárbbašat google-konto.
Hárjehala gávpotsániid Leksain