Guldalanhárjehusat (Lærerside)

Guldaleapmi lea dehálaš

Lea dehálaš ahte studeanttat gullet ollu sámegiela, ja dan dihte lea buorre jus oahpaheaddji sámásta ollu oahpahusdiimmuin. Son sáhttá veahkehit studeanttaid go ovddalgihtii addá unná sátnelisttuid main leat dan fáttá sánit, ja son sáhttá maid geavahit lihkastagaid veahkkin.

Nubbi vuohki lea guldalit jietnafiillaid, vuos teavstta haga vai studeanttat hárjanit iskat ipmirdit dan maid sii gullet. Mis leat eanet jietnafiillat go dat mat leat biddjon oahppanbálgáide:

  • Ánin Dánin-siiddut leat báddejuvvon ja mis leat maiddái báddejuvvon jearaldagat muhtun siidduide.
  • Moadde jietnafiilla maid ieža leat ráhkadan ja maidda leat bargobihtát.

Dán siidui boahtá listu makkár fiillain lea sáhka, nu ahte oahpaheaddji sáhttá daid viežžat oktan bargobihtáiguin. Mii eat hálit dáid bidjat rabas neahttasiidduide go ii leat lohpi addit studeanttaide jietnabáttiid maid leat kopieren CD:s dahje kasseahtas. (Ánin Dánin-jietnabáttiid mii leat ožžon lobi geavahit, sihke lágadusas ja girječálli-guovttos.) Muhto oahpaheaddji sáhttá buot báttiid geavahit oahpahusas. Ollu dáin jietnabáttiin heivejit joatkkadási ohppiide.

Jietnafiillat maid UiT lea ráhkadan – bargobihtát word-fiilan:

Jietnafiillat – UiT lea bádden Ánin Dánin-girjjis: