Adveanta

Mii vuosttaš gintal’ cahkkehit,
dat báitá oktanis,
dan unna mánáš vuorddašit,
gii veallái kruppá sis.

Mii nuppi gintal’ cahkkehit
De eambbo čuvggodii
Mii vuordit Ipmil Áhččámet
Su bártni sáddešii

Dál goalmmát gintal’ cahkkehit
Dat bassi lohku lea
Mii vuordit gonagassamet
Gii stáljas riegádii

Dál njealját gintal’ cahkkehit
ja seavdnjat čuvggoda
De vuordit olmmoščearddaide
min Beasti boahtima

Sáŋta Lucia, Bassi Lucia

Guhkkin Sicilias
dolin lei nieida.
Dan nieidda namma lei
Sáŋta Lucia.
Son hirbmat šiega lei
Ipmilii jáhkii son.
Gierddai dan dihte maid,
Sáŋta Lucia.

Gemodišgoahtá
fargga lea seavdnjat.
Olgun dop’ gullojit
imašlaš jienat.
Uksa de rahpasa
gii dop’ lea boahtime?
Vielgadis gárvvuiguin,
Sáŋta Lucia.

Sáŋta Lucia
elii hui áigá
muht’ mii goit muitit su
velá dán áiggi.
Sáŋta Lucia
boahtá min guossin
vielgadis gárvvuiguin,
Sáŋta Lucia.

Jorgalan: Stina Gaup-Westerlund

Guldal youTubes: Sáŋta Lucia

Eanet juovlalávlagiid gávnnat dás

Mun ilus juovlaruohta lean

Mun ilus juovlaruohta lean  christmas
go Jesus riegádii,
ja násttit báite šerrosit
ja lávlo eŋgelat.

 

 

Juovllaid ávvudit muitin dihte Jesusa riegádeami.
Loga eanet Ánin Dánin-girjjis s. 46-47.

Olbmot lávejit čiŋahit juovlabeazi, ja beazi vuolde leat juovlaskeaŋkkat. Muhtun bearrašiidda boahtá juovlanigá fitnat.
Loga eanet Ánin Dánin-girjjis s. 48-49.

 

juovlaruohtta – julaften, vuosttaš juovlabeaivi – første juledag, juovlabasit – julehelga, ipmilbálvalus – gudstjeneste


  1. Ráhkat sátnelisttu sániiguin mat gullet juovllaide.
  2. Muital mo don lávet ávvudit juovllaid.
  3. Láve go dus leat juovlamuorra? Mo don lávet čiŋahit juovlamuora?
  4. Mo don lávet ráhkkanit juovllaide?
  5. Geaidda don lávet addit juovlaskeaŋkkaid?
  6. Makkár juovlaskeaŋkkaid don liikot addit?
  7. Mii lea du mielas deháleamos juovllaid?

Hárjehala juovlasániid Leksain