Bárdni gii ii áigon skuvlii vuolgit

Oktii lei bárdni gii ii áigon skuvlii vuolgit. Son dušše veallái soffás, ii ge áigon gárvodit. 

Eadni: Jus it vuolgge skuvlii, de mun vieččan rissi.
Bárdni: Viečča beare! In bala rissis.

Rissi heaŋgái seainnis. Eadni manai rissi lusa.

Eadni: Rissi, rissi! It go risse mu bártni? Son ii gáro skuvlii vuolgit.
Rissi: In risse.
Eadni: Dasto mun manan dola viežžat.
Rissi: Mana fal! In bala dolas.

Eadni manai dola lusa.

Eadni: Dolla, dolla! It go boaldde rissi? Rissi ii risse mu bártni, ja bárdni ii gáro skuvlii vuolgit.
Dolla: In boaldde.
Eadni: Dasto manan čázi viežžat.
Dolla: Mana fal. In bala čázis.

Eadni manai čázi lusa.

Eadni: Čáhci, čáhci! Jáddat dola! Dolla ii boaldde rissi,  rissi ii risse mu bártni, ja bárdni ii gáro skuvlii vuolgit.
Čáhci: In jáddat.
Eadni: Dasto vieččan vuovssá.
Čáhci: Viečča fal. In bala vuovssás.

Eadni manai vuovssá lusa.

Eadni: Vuoksá, vuoksá! Juga čázi! Čáhci ii jáddat dola, dolla ii boaldde rissi, rissi ii risse mu bártni, ja bárdni ii gáro skuvlii vuolgit.
Vuoksá: In juga.
Eadni: Dasto vieččan bátti.
Vuoksá: Viečča fal. In bala báttis.

Eadni manai bátti lusa.

Eadni: Báddi, báddi! Čana vuovssá! Vuoksá ii juga čázi, čáhci ii jáddat dola, dolla ii boaldde rissi,  rissi ii risse mu bártni, ja bárdni ii gáro skuvlii vuolgit.
Báddi: In čana.
Eadni: Dasto vieččan sáhpána.
Báddi: Viečča fal. In bala sáhpánis.

Eadni manai sáhpána lusa.

Eadni: Sáhpán, sáhpán! Bora bátti! Báddi ii čana vuovssá, vuoksá ii juga čázi, čáhci ii jáddat dola, dolla ii boaldde rissi,  rissi ii risse mu bártni, ja bárdni ii gáro skuvlii vuolgit.
Sáhpán: In bora.
Eadni: Dasto manan bussá viežžat.
Sáhpán: Mana fal. In bala bussás.

Eadni manai bussá lusa.

Eadni: Bussá, bussá! Bora sáhpáná! Sáhpán ii bora bátti,  báddi ii čana vuovssá, vuoksá ii juga čázi, čáhci ii jáddat dola, dolla ii boaldde rissi,  rissi ii risse mu bártni, ja bárdni ii gáro skuvlii vuolgit.
Bussá: Dieđusge boran!

Bussá fallehii sáhpána. Sáhpán borai bátti. Báddi čanai vuovssá. Vuoksá jugai čázi.

Čáhci jáddadii dola. Dolla bolddii rissi. Rissi rissii bártni, ja bárdni viehkalii skuvlii.

 

Her kan du laste ned fortellingen i doc-format.