6. Dálkeságat
Čakča lea fiinna áigi. Lasttat fiskkodit ja ruškkodit ja maŋemus dat gahččet eatnamii. Čakčat arvá ja olgun njuoská. De čoskkiida, ja olmmoš ferte gárvodit. Čakčat maid sevnnjoda. Árračavčča sáhttá leat mierká iđđes.
Dálvet borgá dahje muohttá. Dalle maid bieggá ja buolašta. Buolaš cikcu muođuid. Giđđadálvvi láve leat fiertu ja beaivvádat. De lea fiinnis leat olgun.
Giđđat muohta suddagoahtá, go dalle bivalda. Dalle lea maid njuoskkas, ja leat ollu stánžžit. Rokkiide šaddet láddot.
Geasset lea liehmu. Geasset sáhttet maiddái leat báhkat. Dalle sáhttá šaddat bajándálki. Baján čeargu, ja de álddagastá.
Makkár dálki lea doppe gos don leat, juste dál? Makkár dálki lei ikte? Makkár dálkkit leat vuordimis?
Muitalit dálkki birra:
Makkár dálki lea odne:
Odne lea čáppa dálki.
Odne arvá / muohttá / bieggá.
Odne lea buolaš / bivval.
Odne lea beaivvádat. Beaivváš báitá.
Odne lea balvadálki.
Odne lea liehmu.
Eambbo dálkedajaldagaid gávnnat dás
Hárjehala luonddusániid dás: