9.1: Boradeapmi
Gáffádagas
Buorre beaivi! Humat go sámegiela?
Binnáš. Maid don siđat?
Mun siđan gáfe.
Siđat go borrat maidege?
Leat go dis gáhkut?
De leat.
Makkár gáhkut dis leat?
Mis lea šuhkoládagáhkku ja lákcagáhkku.
Mun válddán lákcagáhku.
Leage buorre.
Ollu go máksá?
Golbmalogiguokte ruvnnu.
Dá lea vihttalogi ruvnnu.
Ja de gávccinuppelot ruvnnu dutnje.
Giitu! Gos lea baste?
Bastte don gávnnat dies gurut bealde.
gurut bealde – på venstre side, olgeš bealde – på høyre side
Hárjehala dán ságastallama dassážii go máhtát dan bajil (utenat). Iskka varieret.
Boradeapmi
Beavddis čohkkájit áhčči, eadni, nieida ja bárdni. Sii borret iđitbiepmu.
Eadni: Dá lea didjiide varas láibi!
Áhčči: Giitu, eadni! Varas láibi lea buorre.
Nieida: Leat go dipma vai garra monit?
Eadni: Na, viehka dipma monit.
Bárdni: Ánne, sáhtášit go njorret munnje deaja?
Nieida: Leage buorre!
Eadni: Máistte, áhčči, dán sálteluosa! Dat lei njálggat.
Áhčči: Na, lagat munnje luossabihtá!
Eadni: Gea dá! Lagat munnje ges vuoja, Máhtte!
Áhčči: It go siđa sálteluosa, Máhtte?
Bárdni: Mun boran gurkká ja tomáhta. Dat lea buorre bajuš.
Eadni: Ii han Máhtte liiko lussii earret jus lea suovastuvvon.
Bárdni: Dasa gal lean ge hui váibmil.
Áhčči: Eadni, makkár deadja dát lea?
Eadni: Dat lea ruoná deadja. Sihtabehtet go šat láibbi?
Bárdni: Giittos eatnat! Mun lean gallás.
- Muital maid don dábálaččat borat ja jugat iđđes.
- Makkár borramuššii don leat váibmil?
Dás leat biebmosánit.