9.1: Boradeapmi
Gáffádagas
Buorre beaivi! Humatgo sámegiela?
Binnáš. Maid don siđat?
Mun siđan gáfe.
Siđatgo borrat maidege?
Leatgo gáhkut?
De leat.
Makkár gáhkut dis leat?
Mis leat šuhkoládagáhkku ja lákcagáhkku.
Mun válddán lákcagáhku.
Leage buorre.
Ollugo máksá?
32 ruvnnu.
Dá lea 50 ruvnnu.
Ja de 18 ruvnnu dutnje.
Giitu! Gos lea baste?
Bastte don gávnnat dies gurut bealde.
gurut bealde – vasemmalla, olgeš bealde – oikealla
Hárjehala dán ságastallama dassážii go máhtát dan bajil (ulkoa). Iskka varieret.
Boradeapmi
Beavddis čohkkájit áhčči, eadni, nieida ja bárdni. Sii borret iđitbiepmu.
Eadni: Dá lea didjiide varas láibi!
Áhčči: Giitu, eadni! Varas láibi lea buorre.
Nieida: Leatgo dipma vai garra monit?
Eadni: Na, viehka dipma monit.
Bárdni: Ánne, sáhtátgo njorret munnje deaja?
Nieida: Leage buorre!
Eadni: Máistte, áhčči, dán sálteluosa! Dat lei njálggat.
Áhčči: Na, lagat munnje luossabihtá!
Eadni: Gea dá! Lagat munnje ges vuoja, Máhtte!
Áhčči: Itgo siđa sálteluosa Máhtte?
Bárdni: Mun boran gurkká ja tomáhta. Dat lea buorre bajuš.
Eadni: Ii han Máhtte liiko lussii earret jus lea suovastuvvon.
Bárdni: Dasa gal lean ge hui váibmil.
Áhčči: Eadni, makkár deadja dát lea?
Eadni: Dat lea ruoná deadja. Sihtabehtetgo šat láibbi?
Bárdni: Giittos eatnat! Mun lean gallás.
- Muital maid don dábálaččat borat ja jugat iđđes.
- Makkár borramuššii don leat váibmil?
Dás leat biebmosánit.