6.3: Jearahallan
Dál don máhtát buot kásusiid. Go nubbi jearrá, de galggat vástidit rivttes kásusiin.
gii, geat, mii, mat, goabbá – nominatiiva – omd. Mii lea du lávkkas? Mu lávkkas lea stuora ‘girji’.
maid, man, gean, geaid, goappá – akkusatiiva dahje genetiiva – omd. Maid don jugat? Mun jugan ‘deaja’.
gos, mas, geas, geain, goappás – lokatiiva – omd. Geas lea ollu ruhta? ‘Røkkes’ lea.
gosa, masa, geasa, geaidda, goabbái – illatiiva – omd. Goabbái fálat láigolanja? Mun fálan dan ‘niidii’.
mainna, maiguin, geainna, geaiguin – komitatiiva – omd. Geainna don humat? Human ‘etniin’.
manin, geanin – essiiva – omd. Manin gohčodat beatnaga? Gohčodan dan ‘Nástin’.
Loga maid dás jearransániid birra.
Ráhkat 10 jearaldaga jearransániiguin, ja jearahala eará studeanttaid.
Eará jearransánit: manne ~ manin (hvorfor), makkár (hva slags), goas (når), mo (hvordan), galle (hvor mange)
Jorgal sámegillii
- Hva heter du?
- Hvor er du fra?
- Hvor bor du?
- Hvem bor du sammen med?
- Hvor skal du dra nå?
- Med hva skal du reise på ferie?
- Hva slags bøker har du i veska?
- Hvor mange studenter er det i klassen din?
- Hvorfor er du her i dag?
- Hvordan lærer du samisk?
- Hva skal du gjøre i dag?
- Hvordan har du det?
Pronomenat leat dehálaččat. Hárjahala sojahit pronomeniid kasusiin Morfain.
