Neahttadigaštallan

TR_R_du er din egen redaktør_02

Gáldu: https://dubestemmer.no/

500 jagi áigi fertii huikit šilljus jus háliidii gullot. Maŋimuš 300 jagi lea sáhttán čállit aviissaide gilvin dihte iežas oaiviliid. TV-digaštallamat leat máŋggaid jagiid buktán politihkkariid ságastallamiid ja oaiviliid njuolgga du beaivelatnjii. Dál sáhttet buohkat almmuhit maid háliidit internehttii ja sosiála mediaide.

Juohke kanálas leat ovdamunit ja heajut bealit. Go nákkáhallamat ja digaštallamat sirdašuvvet nehttii, de lea juoga mii rievdá. Ii oktage bisset du čállimis dan maid háliidat, ja earáid responsa sáhttá boahttit dalán.

Interneahta bokte lea álki muitalit iežas oaiviliid, kommenteret dan maid earát čállet, ja buvttadit govaid, čállosiid dahje filmmaid. Lea álki čájehit beroštumi: leaš dal deaddilit “liiko”-boalu muhttin áššái Facebookas, dahje searvat lágidemiide mat leat almmuhuvvon sosiála mediain. Okta ovdamearka dasa leat ruvsuvázzimat, mat lágiduvvojedje maŋŋá suoidnemánu 22. beivvi. Okta olmmoš vuolggahii čalmmusteami Facebooka bokte, ja moatti beaivvis ledje čuođi-duháhiid mielde oasálastit miehtá riikka.

Maid don oaivvildat? Digaštala ja čoavdde bargobihtáid neahttadigaštallama birra:

  1. Mii lea sátnefriddjavuohta?
  2. Maid lea lohpi ja maid ii leat lohpi čállit nehttii?
    Neahttadigaštallamiin lea dávjá vejolaš leat namaheapmin. Mo din mielas orru dat?
  3. Gávdnojit go dilálašvuođat goas berrešii beassat leat namaheapmin neahtas?
  4. Neahttaaviissain leat dávjá njuolggadusat mo digaštallamat galget leat sin siidduin. Gávdnet ovdamearkkaid ja buohtastahttet daid luohkás.
  5. Geas lea ovddasvástádus ahte lea buorre gulahallan neahtas? Neahttabáikki doaimmaheaddjis dahje sus guhte čállá čállosa?