4.2: Mun váccán bargui

Kirste   walking

Mu namma lea Kirste. Mun ásan Romssa-gávpogis, muhto lean Skiervvás eret. Mun barggan Báhpajávrri skuvllas. Mu váhnemat, sihke áhčči ja eadni, leaba jápmán. Mun lean náitalan, ja mu isit bargá girdihámmanis.

Munnos leat golbma máná, okta nieida ja guokte bártni. Nieida ii leat vel skuvllas, son lea dušše njealjejahkásaš. Son lea sámi mánáidgárddis, Guovssahasas. Nubbi bárdni lea gávccinuppelot jagi boaris ja son lea oahppi Gonagasdievá joatkkaskuvllas. Nubbi bárdni lea juo guoktelogi jagi boaris ja álgá dál universitehtii.

Mu isidis lea ođđa biila, ja son vuodjá bargui juohke iđida. Dannego mii ássat fylkkaviesu lahka, de lea sutnje álki vuodjit tunealla go manná girdihámmanii.

Mun fas váccán bargui juohke beaivve. Diibmu golmmas vuolggán gávpái gávppašit ja de ruoktot. Ruovttus mun ráhkadan biepmu, vai lea gárvves mális go bearaš boahtá. Mu isit vuodjá vel mánáidgárdái viežžat máná ovdalgo boahtá ruoktot.

Loga jitnosit. Oza pronomeniid ja substantiivvaid mat leat lokatiivvas ja illatiivvas. Vástit jearaldagaide

  1. Gosa don manat barggu dahje skuvlla maŋŋil? (etter arbeid/skole)
  2. Mo don lávet mannat bargui dahje skuvlii?

Her er en bussdialog, i to varianter. Øv på dem to og to til dere kan dem utenat.

Busses I 

Busses I

Buorre beaivi!
Ipmel atti. Gosa don áiggut?
Mun áiggun gávpogii. Ollu go máksá?
Máksá njealljelogiovtta ruvnnu.
Movt mun oasttán mátkelihpu?
Mátkelihpu oasttát telefovnnain.
Giitu. Man guhká busse ádjána gávpogii?
Sullii logi minuhta.

Busses II

Busses II

Buorre beaivi!
Ipmel atti. Gosa don áiggut?
Mun áiggun girdihámmanii. Ollu go máksá?
Máksá čiežalogivihtta ruvnnu.
Nu divrras?!! Ii sáhte leat riekta.
Lea riekta. Máksá nie ollu jus busses oasttát mátkelihpu.
Nugo?
Lea hálbbit oastit mátkelihpu telefovnnain. Dalle máksá dušše njealljelogiovtta ruvnnu.
Dasto mun oasttán mátkelihpu telefovnnain.
Daga fal nu.
Giitu. Man guhká busse ádjána girdihámmanii?
Sullii logi minuhta.
Mus leat guokte stuora koaffara mielde. Sáhtát go veahkehit mu loktet daid sisa?
De sáhtán. Sáhtát go vuordit veaháš?
Dieđusge.

Boahtte siidui –>